सुनसरी । सप्तकोशी ब्यारेजमा जल सतह पछिल्लो समयकै उच्च विन्दुमा पुगेको छ। कोशी परियोजनाका अनुसार बेलुकी ६ः१५ बजे सप्तकोशीमा एक लाख ७१ हजार ७१५ क्युसेक पानी मापन भएको छ। जल सतह बढेसँगै ब्यारेजका २१ वटा ढोका खोलिएका छन्। पानीको बहाव बढेपछि ब्यारेजबाट आवतजावत गर्ने भारी सवारीसाधनलाई पालैपालो सञ्चालन गर्न दिइएको जिल्ला ट्राफिक कार्यालय धरानले जनाएको छ। विभिन्न पहाडी जिल्लाबाट सप्तकोशीमा मिसिने नदी तथा खोलाहरूमा बहाव बढेका कारण कोशीको जल सतह उच्च भएको कोशी परियोजनाले जनाएको छ। जल सतह थप बढ्न सक्ने भएकाले सम्बन्धित निकायले नदी आसपासका बासिन्दालाई सतर्क रहन आग्रह गरेका छन्।
सप्तकोशीमा जल सतह उच्च, ब्यारेजका २१ ढोका खोलिए
सप्तकोशी ब्यारेजमा हालसम्मकै उच्च जल सतह मापन गरिएको छ। पानीको बहाव बढेपछि ब्यारेजका २१ ढोका खोलिएका छन्। नदी आसपासका बासिन्दालाई सतर्क रहन आग्रह गरिएको छ।
Kamala Devi
१ मिनेट पढाइ
आकार:
Kamala Devi
संवाददाता · NM Khabar
कमला देवी NM खबरकी मधेश क्षेत्र संवाददाता हुन्। तराईका राजनीतिक, सामाजिक र कृषि सम्बन्धी मुद्दाहरूमा जमिनी स्तरबाट रिपोर्टिङ गर्ने उनको शैली विश्वसनीय मानिन्छ। सीमान्तकृत समुदाय र महिलाका अधिकारसम्बन्धी मुद्दाहरूमा उनको विशेष ध्यान छ।
