सुनसरीको देवानगञ्ज गाउँपालिका–१ मा गोली चलेको छ। गोली लागेर एक जना व्यक्ति घाइते भएका छन्।
घाइतेलाई उपचारका लागि विराटनगर ल्याइएको छ। सुनसरी प्रहरीका प्रवक्ता डीएसपी चन्द्रबहादुर खड्काका अनुसार घाइतेको तिघ्रामा चोट लागेको छ।
गोली किन र कसले चलाएको भन्ने विषयमा खुल्न बाँकी छ। घटनाबारे अनुसन्धान भइरहेको डीएसपी खड्काले बताए।
प्रमुख जिल्ला अधिकारी ईश्वरी प्रसाद अर्यालले प्रहरी घटनास्थलतर्फ गएको जानकारी दिए। गोली चलेको कारणबारे प्रहरीले अनुसन्धान गरिरहेको छ।
स्थानीयले गोली चलेको खबर गरेपछि प्रहरी घटनास्थल पुगेको हो। घाइतेको पहिचान अहिलेसम्म खुलेको छैन।
