मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

ट्राफिक कारबाहीबाट २४ घण्टामा २७ लाख राजस्व संकलन

काठमाडौं उपत्यकामा पछिल्लो २४ घण्टामा ट्राफिक नियम उल्लंघन गर्ने २,०९३ जनाबाट २७ लाख ३६ हजार ५०१ रुपैयाँ राजस्व संकलन भएको छ। मादकपदार्थ सेवन, तीव्र गति, लेन अनुशासन उल्लंघन लगायतका कारणले कारबाहीमा परेका छन्।
Nmkhabar डेस्क
१ मिनेट पढाइ
आकार:
ट्राफिक राजस्व संकलन
Share:
२२२

काठमाडौं उपत्यका ट्राफिक प्रहरीले २४ घण्टामा २ हजार ९३ सवारी चालकबाट २७ लाख ३६ हजार ५०१ रुपैयाँ राजस्व संकलन गरेको छ। यसबाट राज्यकोषमा उक्त रकम दाखिला भएको छ।

ट्राफिक प्रहरीका अनुसार मादकपदार्थ सेवन गरेका ९२, नियमविपरीत ‘राइड सेयरिङ’ गरेका १६९, ट्राफिक सङ्केत बत्ती उल्लंघन गर्ने १४१ र तीव्र गतिमा सवारीसाधन चलाएका १०१ जना कारबाहीमा परेका छन्।

यस्तै, ‘लेन’ अनुशासन पालना नगर्ने ८२, निषेधित क्षेत्रमा हर्न बजाउने ९२, सडक पेटीमा सवारीसाधन पार्किङ गर्ने १०५, एकतर्फी सडकमा विपरीत दिशामा सवारी चलाउने १२९ जनालाई कारबाही गरिएको छ। अन्य सवारी नियम उल्लंघन गर्ने एक हजार ९८२ जनालाई पनि कारबाही गरिएको छ।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार