अर्थमन्त्री डा. स्वर्णिम वाग्लेले संसदमा दर्ता भएको आर्थिक विधेयकमा अनधिकृत रूपमा करका दर हेरफेर गरेको आरोपमा राष्ट्रिय प्रजातन्त्र पार्टी (राप्रपा) ले राजीनामा माग गरेको छ। राप्रपाकी प्रमुख सचेतक खुश्बु ओलीले नैतिकताका आधारमा वाग्लेले पद त्याग्नुपर्ने माग गरेकी हुन्। ओलीले यस प्रकरणको निष्पक्ष छानबिनको समेत माग गरेकी छन्।
प्रतिनिधि सभाको बैठकमा पनि विपक्षी दलका सांसदहरूले अर्थमन्त्री वाग्लेको राजीनामाको विषय उठाएका थिए। सभामुख डोलप्रसाद अर्यालले विपक्षी सांसदहरूलाई बोल्न समय दिएका थिए।
