प्रतिनिधि सभामा बजेटमाथि सैद्धान्तिक छलफल: सांसदको उपस्थिति न्यून

काठमाडौं। आगामी आर्थिक वर्षको बजेटमाथि प्रतिनिधि सभामा सैद्धान्तिक छलफल सुरु भएको छ। विपक्षी दलहरूको अवरोध हटेपछि सुरु भएको यस छलफलका लागि सभामुखले चार घण्टाको समय छुट्याएका छन्।

संसद बैठकमा सांसदहरूले पालैपालो बजेटका विभिन्न पक्षमाथि आफ्ना धारणा राखिरहेका छन्। यद्यपि, बैठक कक्षमा सांसदहरूको उपस्थिति भने अपेक्षा गरिएभन्दा निकै कम देखिएको छ। अधिकांश कुर्सीहरू खाली रहनुले छलफलको गाम्भीर्यतामा प्रश्न उठाएको छ।