निजी क्षेत्रको सम्पत्ति विवरण बुझाउने व्यवस्था हटाउन अर्थमन्त्रीलाई महासंघको पत्र

सार्वजनिक संस्थानमा विज्ञका रूपमा सहभागी निजी क्षेत्रका प्रतिनिधिले सम्पत्ति विवरण बुझाउनुपर्ने व्यवस्था हटाउन सरकारसँग माग गरिएको छ। नेपाल उद्योग वाणिज्य महासंघ (एफएनसीसीआई) ले बिहीबार अर्थमन्त्री डा. स्वर्णिम वाग्लेलाई औपचारिक पत्र पठाउँदै यो व्यवस्था सच्याउन आग्रह गरेको हो। महासंघले निजी क्षेत्रका प्रतिनिधि राजनीतिक वा लाभको पदमा नरहेकाले उनीहरूलाई सम्पत्ति विवरण बुझाउन बाध्य पार्नु अनुचित हुने तर्क गरेको छ। अर्थमन्त्री वाग्लेसँग यसअघि अनौपचारिक रूपमा पनि यो विषयमा छलफल भएको थियो। उहाँकै आग्रहमा महासंघले औपचारिक पत्र पठाएको जनाएको छ।