९०% साना तथा मझौला उद्योग बीमा बाहिर, नीतिगत सुधारको खाँचो
पूर्वअर्थमन्त्री रामेश्वर खनालले नेपालका ९० प्रतिशत साना तथा मझौला उद्योग बीमाको पहुँचभन्दा बाहिर रहेको भन्दै तत्काल नीतिगत सुधारको खाँचो औंल्याएका छन्। उनले नेपालको अर्थतन्त्रमा साना तथा मझौला उद्योगको भूमिका अतुलनीय रहेको बताए।
नेपाल आर्थिक पत्रकार समाज (सेजन) ले आयोजना गरेको ‘रिक्स म्यानेजमेन्ट ईन नेप्लिज एसएमईज’ अध्ययन प्रतिवेदन सार्वजनिक कार्यक्रममा बोल्दै खनालले सो प्रतिवेदनमा नीतिगत सुधारका विषय समावेश हुनुपर्नेमा जोड दिए।
उनले प्रतिवेदनमा प्रस्तुत गरिएका धेरै विषय अर्थ मन्त्रालयसँग सम्बन्धित रहेको र त्यसमा आवश्यक नीतिगत निर्णयका लागि अर्थ मन्त्रालयले पहल गर्नुपर्ने बताए।
अर्थ मन्त्रालयबाट नीतिगत निर्णयको अपेक्षा
बीमाको पहुँचमा नभएका साना तथा मझौला उद्योगहरूले विभिन्न जोखिममा पर्दा ठूलो आर्थिक क्षति बेहोर्नुपर्ने अवस्था रहेको खनालले औंल्याए। यसका लागि अर्थ मन्त्रालयले आवश्यक नीतिगत निर्णय गरी बीमाको दायरामा उद्योगहरूलाई ल्याउनुपर्ने उनको भनाइ छ।
प्रतिवेदनले औंल्याएका नीतिगत सुधारका विषयमा जोड
‘रिक्स म्यानेजमेन्ट ईन नेप्लिज एसएमईज’ अध्ययन प्रतिवेदनले साना तथा मझौला उद्योगहरूमा जोखिम व्यवस्थापनका चुनौतीहरू उजागर गरेको छ। पूर्वअर्थमन्त्री खनालले प्रतिवेदनमा औंल्याइएका नीतिगत सुधारका विषयहरूलाई कार्यान्वयनमा ल्याउन अर्थ मन्त्रालयले सक्रियता देखाउनुपर्नेमा जोड दिए।
