काठमाडौँ महानगरपालिकाले राष्ट्रिय सभागृहमा विपद् प्रभावित नागरिक लक्षित ‘मनोसामाजिक परामर्श केन्द्र’ सुरु गरेको छ। बाढीजस्ता विपद्का कारण मानसिक तथा संवेगात्मक समस्यामा परेका व्यक्तिहरूलाई सहयोग पुर्याउने उद्देश्यले यो केन्द्र सञ्चालनमा ल्याइएको हो।
चिन्ता, तनाव, दुःख र अन्य मनोसामाजिक समस्याहरूसँग जुधिरहेका नागरिकहरूलाई लक्षित गरी खोलिएको यस केन्द्रमा विशेषज्ञ मनोविद्हरूले परामर्श सेवा प्रदान गर्नेछन्। स्वास्थ्य विभागका प्रमुख दीपककुमार केसीले यस पहलले विपद्पछिको मानसिक स्वास्थ्य सुधारमा भूमिका खेल्ने बताए।
