कोशी प्रदेश मन्त्रिपरिषद्को सोमबारको बैठकले प्रदेश सचिव आसमान तामाङलाई उद्योग, कृषि तथा सहकारी मन्त्रालयको जिम्मेवारी तोकेको छ।
सहसचिव नीता शर्मालाई मुख्यमन्त्री तथा मन्त्रिपरिषद् कार्यालयको प्रदेश सचिव पदमा पदस्थापन गरिएको छ। उनी प्रदेश योजना आयोगको समेत कामकाज गर्नेछिन्।
बैठकले ‘कोशी प्रदेश बिमा सम्बन्धी विधेयक’ तर्जुमा गर्न आर्थिक मामिला तथा योजना मन्त्रालयलाई सैद्धान्तिक स्वीकृति प्रदान गरेको छ।
आगामी असोज २२ र २३ गते विराटनगरमा अन्तर प्रदेश मुख्यमन्त्री सम्मेलन हुनेछ। सातै प्रदेशका मुख्यमन्त्रीहरूको सहभागिता रहने कोशी प्रदेश सरकारका प्रवक्ता एवम् आन्तरिक मामिला तथा कानुन मन्त्री गोम्बु शेर्पाले जानकारी दिए।
