पृथ्वीराजमार्ग आज अपराह्न १ बजेदेखि पूर्णरूपमा सञ्चालनमा आउने भएको छ । जिल्ला प्रशासन कार्यालय धादिङका अनुसार थप पहिरो वा अवरोध नआएमा अपराह्न १ बजेदेखि सबै सवारी साधन सञ्चालनमा आउनेछन् । विभिन्न स्थानमा पहिरो र सडक भासिएपछि हाल एकतर्फी आवागमन भइरहेको थियो । वर्षा रोकिए पनि पहिरोको जोखिम कायमै छ । प्रशासनले सावधानीपूर्वक यात्रा गर्न आग्रह गरेको छ । सवारी चालकलाई ट्राफिक नियम पालना गर्न अनुरोध गरिएको छ ।
सहयोगका लागि नेपाल प्रहरी १००, सशस्त्र प्रहरी १११४ र जिल्ला आपतकालीन सञ्चालन केन्द्र १२३४ वा ०१०–५२१४६४ मा सम्पर्क गर्न सकिनेछ ।
