मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

एमाले बैठकमा ओलीको राजीनामा माग: महासचिव पोखरेलको ‘मार्ग प्रशस्त’को आग्रह

नेकपा एमालेको केन्द्रीय कमिटी बैठकमा अध्यक्ष केपी शर्मा ओलीविरुद्ध राजीनामाको माग उठेको छ। महासचिव शंकर पोखरेलले ओलीलाई 'मार्ग प्रशस्त' गर्न आग्रह गरेका छन्, जबकि उपमहासचिव योगेश भट्टराईले प्रत्यक्ष राजीनामा मागेका छन्। पार्टीका धेरै नेताहरूले पार्टी पुनर्गठनका लागि ओलीले पद त्याग्नुपर्ने धारणा राखेका छन्।
Nmkhabar डेस्क
१ मिनेट पढाइ
आकार:
एमाले बैठक ओली राजीनामा
Share:
१९२

काठमाडौँ । नेकपा एमालेको केन्द्रीय कमिटी बैठकमा अध्यक्ष केपी शर्मा ओलीको राजीनामा माग्ने क्रमले तीव्रता पाएको छ। शुक्रबार चार उपाध्यक्षले राजीनामा मागेकोमा शनिबार महासचिव शंकर पोखरेल र उपमहासचिव योगेश भट्टराई लगायतका नेताहरूले ओलीलाई राजीनामा दिएर मार्ग प्रशस्त गर्न भनेका हुन्।

पार्टी पुनर्गठनको आवाज चर्को बन्दै गएको र वर्तमान अवस्थामा पार्टी अघि बढ्न नसक्ने निष्कर्षमा पुगेका महासचिव पोखरेलले बैठकमा खुलेरै ओलीलाई मार्ग प्रशस्त गर्न आग्रह गरेको स्रोतले बताएको छ। ‘अव पार्टी यतिकै अवस्थामा अघि बढ्न सक्दैन, यथास्थितिबाट अघि बढ्न सकिँदैन,’ पोखरेलले बैठकमा भने।

पोखरेलले राजीनामा शब्द प्रयोग नगरे पनि उपमहासचिव भट्टराईले भने प्रत्यक्ष राजीनामा शब्द नै प्रयोग गरेर ओलीलाई पद त्याग्न भनेका थिए।

विज्ञापन

शनिबारको बैठकमा उपमहासचिव रघुवीर महासेठ, लेखराज भट्ट, सचिवहरू छविलाल विश्वकर्मा, राजन भट्टराई, महेश बस्नेत, हिक्मत कार्की लगायतले पनि पार्टीको वर्तमान अवस्थाबारे धारणा राखेका थिए।

यसअघि शुक्रबार उपाध्यक्षहरू रामबहादुर थापा बादल, विष्णुप्रसाद पौडेल, पृथ्वी सुब्बा गुरुङ, रघुजी पन्त, गोकर्ण विष्टले धारणा राखेका थिए। उपाध्यक्ष थापाबाहेकका नेताहरूले पार्टी पुनर्गठनका लागि ओलीले राजीनामा दिएर मार्ग प्रशस्त गर्नुपर्नेमा जोड दिएका थिए।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार