संघीय संसद्का दुवै सदनको बैठक आइतबार (जेठ १७) बस्दैछ। प्रतिनिधिसभाको बैठक दिउँसो १ बजे र राष्ट्रियसभाको बैठक बिहान सवा ११ बजे बस्ने गरी बोलाइएको छ।
प्रतिनिधिसभा बैठकमा नियमावली मस्यौदा प्रतिवेदनमाथि दफावार छलफल गरी पारित गर्ने मुख्य कार्यसूची छ।
अर्थमन्त्री डा. स्वर्णिम वाग्लेले नेपाल राष्ट्र बैंक तेस्रो संशोधन विधेयक प्रस्तुत गर्न अनुमति माग्ने कार्यसूची छ।
यसबाहेक, युवा, श्रम तथा रोजगारमन्त्री रामजी यादवले अन्तर्राष्ट्रिय श्रम संगठन (आईएलओ) को श्रम निरीक्षणसम्बन्धी महासन्धि, १९४७ र बाध्यकारी श्रमसम्बन्धी महासन्धि, १९३० को २०१४ को प्रोटोकल नं. २९ प्रतिनिधिसभामा पेस गर्नेछन्।
