पहिरो नियन्त्रणलाई ३ अर्ब १७ करोड बजेट, ६९ स्थानमा रोकथाम गरिने
राष्ट्रिय राजमार्गलाई २४ घण्टा संचालनमा राख्ने उद्देश्यले सरकारले पहिरो नियन्त्रण योजना अगाडि सारेको छ। बजेट अभावले पहिरो नियन्त्रणमा समस्या आउन नदिन यो योजना अघि बढाइएको हो।
विभिन्न राष्ट्रिय राजमार्गमा पहिरो नियन्त्रण गर्न सरकारले तयारी थालेको छ। यसका लागि ३ अर्ब १७ करोड रुपैयाँ बजेट छुट्याइएको छ।
यो बजेट कोशी राजमार्ग, पुष्पलाल राजमार्ग, मुलघाट पात्लेखोला सडक, हलेसी दिक्तेल सडक, अरनिकोलगायतका राजमार्गमा पर्ने ६९ स्थानको पहिरो रोकथामका लागि प्रयोग गरिनेछ।
यस योजनाको कार्यान्वयनले विशेषगरी वर्षायाममा अवरुद्ध हुने राजमार्गका कारण दैनिक उपभोग्य सामग्री ढुवानीमा पर्ने असरलाई कम गर्नेछ। यसबाट यात्रुहरूको यात्रा सुरक्षित र सहज हुने अपेक्षा गरिएको छ।
