लघुवित्तको चर्को ब्याज र असुलीको दबाबले थलिएका देशभरका पीडितहरूले कर्जा खारेजीको मागसहित काठमाडौंमा आन्दोलन सुरु गरेका छन्। माइतीघर मण्डलामा भेला भएका उनीहरूले सरकारसँग तत्काल माग सम्बोधनको आग्रह गरेका छन्।
पीडितहरूको मुख्य माग लघुवित्तको कर्जा खारेज, चर्को ब्याज र जरिवाना मिनाहा तथा पीडित परिवारलाई राहत उपलब्ध गराउनुपर्ने छ। लघुवित्तका कर्मचारीहरूले दुःख दिएको गुनासो उनीहरूले गरेका छन्।
सरकारले पटक–पटक वार्ताको आश्वासन दिए पनि माग सम्बोधन नभएको पीडितहरूको गुनासो छ। माग पूरा नभएसम्म आन्दोलन थप सशक्त बनाउने चेतावनी उनीहरूले दिएका छन्। आन्दोलनका कारण केही समय प्रदर्शन र नाराबाजी भएको थियो। सुरक्षाका लागि नेपाल प्रहरी परिचालन गरिएको थियो।
