सुनसरीको देवानगञ्ज घटनामा गोली लागेर घाइते भएका २२ वर्षीय रवीन्द्र मेहताको त्रिवि शिक्षण अस्पतालमा उपचारका क्रममा मृत्यु भएको छ। आफन्तले गृहमन्त्री सुधन गुरुङ अस्पताल आएर माग पूरा नगरेसम्म शव बुझ्न मानेका छैनन्।
मेहताका आफन्तले अस्पताल परिसरमा गृहमन्त्रीविरुद्ध नाराबाजी गरेका छन्। उनीहरूको आरोप छ, घटनामा संलग्न कसैलाई पक्राउ गरिएको छैन। छानबिन समितिको प्रतिवेदन सार्वजनिक भएको छैन। गोली चलाउने कसैलाई पनि निलम्बन गरिएको छैन। उनीहरूले कारबाही र क्षतिपूर्तिको माग राखेका छन्।
यसैबीच, कप्तानगञ्जमा स्थानीयवासीले रुख ढालेर सडक अवरुद्ध पारेका छन्। सो क्षेत्रमा प्रहरी र सेना परिचालन गरिएको छ।
