मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

राष्ट्र बैंकको अनुमतिबिना दुई बैंक सञ्चालन, पूर्वगभर्नर र सञ्चालक सल्लाहकार

राष्ट्र बैंकको स्वीकृतिबिना नेपाल किसान बैंक र राष्ट्रिय खाद्य बैंक गैरकानुनी रूपमा सञ्चालनमा आएका छन्। दुवै बैंकले 'बैंक' नाम प्रयोग गर्न स्वीकृति नलिई कारोबार गरिरहेको पाइएको छ। राष्ट्रिय खाद्य बैंकमा पूर्वगभर्नर र राष्ट्र बैंक सञ्चालक सदस्य सल्लाहकार रहेकोले राष्ट्र बैंक मौन बसेको आशंका छ।
Nmkhabar डेस्क
१ मिनेट पढाइ
आकार:
Share:
१९०

राष्ट्र बैंकको अनुमतिबिना नेपाल किसान बैंक लिमिटेड र राष्ट्रिय खाद्य बैंक लिमिटेड गैरकानुनी रूपमा सञ्चालनमा आएका छन्। यी दुवै संस्थाले ‘बैंक’ नाम प्रयोग गर्न राष्ट्र बैंकको स्वीकृति लिएका छैनन्।

स्रोतका अनुसार, दुवै बैंकले राष्ट्र बैंकको स्वीकृति नलिई ‘साइनबोर्ड’ राखेर कारोबार सञ्चालन गरिरहेको पाइएको छ। बैंक तथा वित्तीय संस्था सम्बन्धी ऐन, २०७३ को दफा ३२ ले ‘बैंक’ वा ‘वित्तीय संस्था’ नाम प्रयोग गर्न राष्ट्र बैंकको अनिवार्य स्वीकृति लिनुपर्ने व्यवस्था गरेको छ। यी दुवै कम्पनीले उक्त प्रक्रिया पूरा गरेका छैनन्।

राष्ट्र बैंकको स्वीकृतिबिना सञ्चालनमा रहेका यी बैंकहरूमाथि कारबाही हुनुपर्नेमा राष्ट्र बैंकले कुनै ‘एक्सन’ लिएको छैन। राष्ट्र बैंक यस विषयमा मौन छ।

विज्ञापन

अझ रहस्यमय पक्ष के छ भने, गैरकानूनी रूपमा सञ्चालित राष्ट्रिय खाद्य बैंकमा नेपाल राष्ट्र बैंकका पूर्वगभर्नर दीपेन्द्रबहादुर क्षेत्री सल्लाहकार तथा आर्थिक संयोजक छन्। राष्ट्र बैंककै सञ्चालक समिति सदस्य डा. शंकरप्रसाद आचार्य पनि यस बैंकको सल्लाहकार रहेका छन्। उनीहरूको संलग्नताका कारणले नै राष्ट्र बैंकले कारबाही गर्न नसकेको वा नचाहेको आशंका गरिएको छ।

राष्ट्रिय खाद्य बैंकले आफ्नो आधिकारिक वेबसाइट समेत सञ्चालनमा ल्याएको छ। नेपाल किसान बैंकको भने हालसम्म कुनै आधिकारिक वेबसाइट नभएको बताइएको छ।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार