मेडिकल व्यवसायी दुर्गा प्रसाईं विरुद्ध पर्सा जिल्ला अदालतमा मुद्दा दर्ता भएको छ। सरकारी वकिल कार्यालयले सोमबार अभियोगपत्र दायर गरेको हो।
प्रसाईंमाथि विद्युतीय कारोबार ऐन २०६३ र राज्यविरुद्धको कसुरमा सजाय मागदाबी गरिएको छ। उनी हाल प्रहरी हिरासतमा छन्।
जिल्ला अदालत पर्साका सूचना अधिकारी जयनारायण यादवका अनुसार अभियोगपत्र दर्ता भए पनि सोमबार सुनुवाइ हुन सकेन। सुनुवाइ मंगलबार मात्र हुनेछ।
विज्ञापन
प्रसाईंलाई गत हप्ता वीरगञ्जबाट पक्राउ गरिएको थियो। उनीमाथि युट्युबमा महिलाहरूलाई लाञ्छना लगाएर अपशब्द बोलेको र राज्यका निकायमाथि टिप्पणी गरेको आरोप छ।
