१०-१५ दिनभित्र रोपाइँ सुरु हुने संघारमा किसानले मल नपाएको भन्दै राष्ट्रिय स्वतन्त्र पार्टी (रास्वपा) का सांसद डा. अमरेशकुमार सिंहले सरकारको ध्यानाकर्षण गराएका छन्।
प्रतिनिधि सभा बैठकमा सांसद सिंहले हालसम्म किसानले मल नपाएकोमा असन्तुष्टि पोखे। उनले चिनी मिलबाट उखु किसानले भुक्तानी नपाएको र सरकारी अनुदानसमेत रोकिएकोमा सरकारको ध्यानाकर्षण गराए।
“उखु किसानले अहिलेसम्म चिनी मिलबाट पैसा पाउन सकेका छैनन्। सरकारले दिने अनुदान पनि उखु किसानले पाउन सकेका छैनन्। यसमा म सरकारको ध्यान आकृष्ट गराउन चाहन्छु कि चाँडै उखु किसानको भुक्तानी होस् र सरकारले दिने अनुदान पनि चाँडै उपलब्ध होस्,” सांसद सिंहले भने।
विज्ञापन
सांसद सिंहले बागमती नदीको कटानबाट पीडित नागरिकलाई राहत दिन र नदी नियन्त्रणका लागि पनि प्रभावकारी कदम चाल्न सरकारलाई आग्रह गरे।
