उदयपुरको चौदण्डीगढीमा १४ वर्षीया आयुसा सदाको खोलाको दहमा डुबेर मृत्यु भएको छ।
चौदण्डीगढी नगरपालिका–९ देवधार निवासी बुधन सदाकी छोरी आयुसा सदा बुधबार दिउँसो बेपत्ता भएकी थिइन्।
उनी चौदण्डीगढी–१० स्थित देवधार खोलाको दहमा पौडी खेल्दै थिइन्।
जिल्ला प्रहरी कार्यालय उदयपुरका अनुसार, दिउँसो ४:१० बजे आयुसा बेपत्ता भइन्।
जानकारी पाएलगत्तै प्रहरी र स्थानीयले खोजी अभियान चलाए।
लामो खोजीपछि साँझ ७:२० बजे आयुसा सोही दहमा मृत फेला परिन्।
जिल्ला प्रहरी कार्यालय उदयपुरले घटनाबारे थप अनुसन्धान गरिरहेको छ।
