काठमाडौं उपत्यकामा २४ घण्टामा २ हजार १७६ सवारी चालक ट्राफिक नियम उल्लंघनमा कारबाहीमा परेका छन्। यस कारबाहीबाट रु १० लाख ६२ हजार जरिवाना असुल भएको छ। Nmkhabarलाई स्रोतले पुष्टि गर्यो।
प्रहरी उपरीक्षक नरेशप्रसाद सुवेदीका अनुसार मादकपदार्थ सेवन गर्ने ८१, नियमविपरीत ‘राइड सेयरिङ’ गर्ने १०१, सङ्केत बत्ती उल्लङ्घन गर्ने १५९ र तीव्र गतिमा सवारी चलाउने २०२ चालक कारबाहीमा परेका छन्।
त्यस्तै, ‘लेन’ अनुशासन पालना नगर्ने ९२, निषेधित क्षेत्रमा हर्न बजाउने ११०, सडक फुटपाथमा पार्किङ गर्ने ११०, एकतर्फी सडकमा नियमविपरीत चलाउने ६६ र अन्य नियम उल्लंघन गर्ने एक हजार ५५ चालक कारबाहीमा परेका छन्।
