शिव शिखर सहकारीका थप २४८ पीडितले बचत फिर्ता पाएका छन्। यससँगै हालसम्म १११७ जनाले रकम प्राप्त गरेका छन्।
समस्याग्रस्त सहकारी व्यवस्थापन समितिले पहिलो चरणमा थोरै बचत भएका बचतकर्तालाई रकम फिर्ता गरेको जनाएको छ। बचतकर्ताको रकमका आधारमा वर्गीकरण गरेर क्रमशः रकम फिर्ता गरिने प्रक्रिया जारी रहनेछ।
सरकारले समस्याग्रस्त सहकारीको ऋण असुलीबाट प्राप्त रकम नै पीडित बचतकर्तालाई फिर्ता गरिएको स्पष्ट पारेको छ। समस्याग्रस्त सहकारीको ऋण असुली र सम्पत्ति व्यवस्थापनबाट प्राप्त रकमबाट बचतकर्तालाई फिर्ता गर्ने कार्य निरन्तर जारी छ।
