जनकपुरधाम । जानकी प्लास्टिक उद्योगका सञ्चालक नवकृष्ण मुरारकालाई प्रहरीले नक्कली पाइप उत्पादन र बिक्री गरेको आरोपमा पक्राउ गरेको छ । प्रहरीले उनलाई बिहीबार जनकपुरस्थित मुजेलियाबाट पक्राउ गरेको हो ।
मुरारकाले मार्बल कम्पनीको ट्रेड मार्क प्रयोग गरी नक्कली पाइप उत्पादन तथा बिक्री वितरण गरेको आरोप छ । जिल्ला प्रहरी कार्यालय सिरहाले यो जानकारी दिएको छ ।
हाल मुरारकालाई वडा प्रहरी कार्यालय मुजेलियामा राखिएको छ । प्रहरीले घटनाबारे अनुसन्धान गरिरहेको छ ।
