मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

झापामा ३७८ आमाको नामबाट नागरिकता, २४ हजार बढीले पाए राहदानी

• गत आर्थिक वर्ष २०८२/८३ मा झापामा २४,८५१ जनाले नागरिकता र २४,४६६ जनाले राहदानी पाएका छन्। • ३७८ जनाले आमाको नामबाट वंशजको नागरिकता प्राप्त गरेका छन्। • प्रशासनले रु १५ करोडभन्दा बढी राजस्व सङ्कलन गरेको छ।
Nmkhabar डेस्क
१ मिनेट पढाइ
आकार:
आमाको नामबाट नागरिकता झापा
Share:
१९०

झापाका प्रशासनिक निकायहरूबाट गत आर्थिक वर्ष २०८२/८३ मा २४ हजार आठ सय ५१ जनाले नागरिकता र २४ हजार चार सय ६६ जनाले राहदानी प्राप्त गरेका छन्। यो तथ्याङ्कले युवा वर्गमा विदेशिने आकर्षण कायमै रहेको देखाउँछ।

जिल्ला प्रशासन कार्यालयबाट मात्रै ३७८ जनाले आमाको नामबाट वंशजको नागरिकता प्राप्त गरेका हुन्। बाबुको पहिचान नभएका उनीहरूलाई कानुनी प्रावधानअनुसार यो सुविधा दिइएको हो।

यसैगरी, राष्ट्रिय परिचयपत्र सङ्कलन तथा वितरण अभियान अन्तर्गत एक वर्षको अवधिमा ९७ हजार चार सय ७७ जनाको विवरण सङ्कलन गरी ९८ हजार छ सय ८९ थान परिचयपत्र वितरण गरिएको छ।

विज्ञापन

सेवा प्रवाहका साथै राजस्व सङ्कलनमा पनि प्रशासनले उल्लेख्य योगदान पुर्‍याएको छ। राहदानी शुल्कबाट रु १४ करोड ७० लाख ७९ हजार चार सय ५१ र अन्य प्रशासनिक शुल्कबाट रु ६० लाख ४४ हजार ६० गरी कूल रु १५ करोड ३१ लाख २३ हजार पाँच सय ११ राजस्व सङ्कलन भएको छ।

सेवा प्रवाहलाई सहज र प्रविधिमैत्री बनाउँदै लगिएको प्रमुख जिल्ला अधिकारी शिवराम गेलालले बताए। मिटरब्याज, नियामक निकाय र ठाडो उजुरी सम्बन्धी चार सय ७९ वटा निवेदन फर्छ्याैट गरिएका छन् भने नौ सय २९ जनालाई नाबालक परिचयपत्र उपलब्ध गराइएको छ।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार