नेपाल आयल निगमले इन्धनको मूल्य बढाएको छ। भारतीय आयल कर्पोरेसनबाट प्राप्त नयाँ खरिद मूल्यअनुसार पेट्रोलमा प्रतिलिटर रु. ३१.१९ र डिजेलमा प्रतिलिटर रु. ३९.६७ ले मूल्य बढेर आएको थियो। उपभोक्ताको हितलाई मध्यनजर गर्दै निगम सञ्चालक समितिको निर्णयअनुसार २०८३ साउन १८ गते बिहान १ बजेदेखि लागू हुने गरी पेट्रोलमा प्रतिलिटर रु. ३ र डिजेल/मट्टितेलमा प्रतिलिटर रु. ५ ले मात्रै मूल्य वृद्धि गरिएको हो।
यस मूल्य समायोजनपछि पेट्रोलको खुद्रा बिक्री मूल्य प्रतिलिटर रु. १९७.१५ र डिजेल/मट्टितेलको मूल्य पनि प्रतिलिटर रु. १९७.१५ कायम भएको छ। यसरी मूल्य समायोजन गर्दा पनि निगमलाई पाक्षिक रूपमा रु. १ अर्ब ४९ करोड घाटा हुने देखिएको छ।
