सुर्खेत प्रहरीले बराहताल गाउँपालिकाको शान्ति सामुदायिक वनमा तीन थान भरुवा बन्दुक बरामद गरेको छ। प्रहरी सहायक निरीक्षक लोकेन्द्र परियारको टोलीले गस्ती गर्ने क्रममा सुकेको सालको रूखको टोड्कामा लुकाइराखेको अवस्थामा दुई थान बन्दुक फेला पारेको थियो।
घटनास्थलमा थप अनुसन्धान गर्न पुगेको प्रहरी निरीक्षक भूपेन्द्र शाहीको टोलीले सोही रुखको टोड्कामा थप एक थान बन्दुक फेला पारेको जिल्ला प्रहरी कार्यालय सुर्खेतका सूचना अधिकारी प्रहरी नायव उपरीक्षक कविन्द्रसिंह बोहोराले Nmkhabarलाई पुष्टि गरे।
बरामद बन्दुकबारे प्रहरीले थप अनुसन्धान गरिरहेको छ।
