तेह्रथुमको छथर गाउँपालिका-२ मा आफ्नै घरमा सुतिरहेकी ५६ वर्षीया महिलालाई जबरजस्ती करणी गरेको आरोपमा ४४ वर्षीय लिलमबहादुर लिम्बु पक्राउ परेका छन्। प्रहरीका अनुसार भदौ ९ गते यो घटना भएको थियो।
पीडित महिलाले सोही दिन इलाका प्रहरी कार्यालय बसन्तपुरमा जाहेरी दिएकी थिइन्। सूचना पाउनासाथ प्रहरी टोली घटनास्थल पुगेर लिम्बुलाई नियन्त्रणमा लिएको थियो।
आरोपित लिम्बुको स्वास्थ्य परीक्षण गरी प्रहरी हिरासतमा राखिएको छ। घटनाबारे प्रहरीले थप अनुसन्धान गरिरहेको जनाएको छ।
