प्रहरीले काठमाडौंको बालाजु र ११ नम्बर वडाका सुकुमवासी बस्तीबाट थप दुई जनालाई पक्राउ गरेको छ। बस्ती हटाउने क्रममा अवरोध गर्न सक्ने आशंकामा शनिबार बिहान उनीहरूलाई नियन्त्रणमा लिइएको हो।
पक्राउ पर्नेमा बालाजुका ४१ वर्षीय राजकुमार लामा र काठमाडौं महानगरपालिका–११ का ५२ वर्षीय अर्जुन कुँवर छन्।
- बालाजुबाट राजकुमार लामा पक्राउ
- काठमाडौं–११ बाट अर्जुन कुँवर पक्राउ
- बस्ती हटाउने क्रममा अवरोधको आशंका
यसअघि पनि पक्राउ परेका थिए
यसअघि प्रहरीले संयुक्त राष्ट्रिय सुकुमबासी मोर्चाका महासचिव आरएन कुँवरसहित दलमर्दन कामी, दिनेश सुनार र नारायण परिश्रमी भन्ने नारायण परियारलाई पक्राउ गरेको थियो।
सरकारले राजधानीका विभिन्न सुकुमवासी बस्तिको हटाउने प्रक्रिया अघि बढाएसँगै पक्राउको क्रम सुरु भएको हो।
