उद्योग वाणिज्य तथा आपूर्ति मन्त्रालयको आदेशपछि आयल निगमले पेट्रोलमा इथानोल मिसाउन स्वदेशी उत्पादक माग्यो।
मन्त्रालयले २०८२ फागुन २८ गते राजपत्रमा प्रकाशित ‘पेट्रोलमा इथानोल मिश्रण गरी प्रयोगमा ल्याउने सम्बन्धी आदेश, २०८२’ अनुसार निगमले यो प्रक्रिया अघि बढाएको हो।
निगमले सूचना जारी गर्दै राजपत्रमा उल्लेख भए बमोजिमको गुणस्तर र विधि अनुसारको इथानोल खरिद गरिने स्पष्ट पारेको छ। इथानोल उत्पादन तथा आपूर्ति गर्न इच्छुक स्वदेशी उत्पादकहरूलाई निगममा निवेदन दर्ता गर्न आह्वान गरिएको छ।
