मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

ठमेलमा होटल कोठा भाडामा लिई १५ विदेशी नागरिक पक्राउ

ठमेलमा होटलको कोठा भाडामा लिई अवैध गतिविधिमा संलग्न १५ बंगलादेशी नागरिक पक्राउ परेका छन्। विदेशी मोडल तथा युवतीहरूको नक्कली फेसबुक अकाउन्ट बनाएर ब्ल्याकमेलिङ गरेको आरोप छ। पक्राउ परेकालाई अध्यागमन विभागमा थप अनुसन्धानका लागि पठाइएको छ।
Nmkhabar डेस्क
१ मिनेट पढाइ
आकार:
Share:
२०९

काठमाडौंको ठमेलबाट १५ जना बंगलादेशी नागरिक पक्राउ परेका छन्। उनीहरु भिजिट भिसामा नेपाल आई भिसाको उद्देश्य विपरीतका गतिविधिमा संलग्न रहेको प्रहरीले जनाएको छ।

काठमाडौं उपत्यका अपराध अनुसन्धान कार्यालयको टोलीले उनीहरुलाई ठमेलको एक होटलबाट पक्राउ गरेको हो। प्रहरीका अनुसार पक्राउ परेकाहरुले होटलका कोठाहरू भाडामा लिई विदेशी मोडल तथा युवतीहरूको नक्कली फेसबुक अकाउन्ट बनाएर कुराकानी गर्दै अवैध गतिविधिमा संलग्न थिए।

विशेष सूचनाका आधारमा खटिएको प्रहरी टोलीले उनीहरूलाई नियन्त्रणमा लिएको थियो। उनीहरूले सामाजिक सञ्जालमार्फत ब्ल्याकमेलिङमा संलग्न भई बंगलादेशी र भारतीय नागरिकहरूलाई साथी बनाउने र त्यसपछि विभिन्न बहानामा रकम असुल्ने गरेको अनुसन्धानबाट खुलेको छ।

विज्ञापन

अपराध अनुसन्धान कार्यालयका सूचना अधिकारी एवं प्रहरी उपरीक्षक रामेश्वर कार्कीका अनुसार पक्राउ परेका सबै बंगलादेशी नागरिकहरूलाई अध्यागमन ऐन अन्तर्गतको कसुरमा थप अनुसन्धान र आवश्यक कारबाहीका लागि कालिकास्थानस्थित अध्यागमन विभाग पठाइएको छ।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार