सप्तकोशी नदीमा पानीको बहाव १ लाख ८५ हजार १ सय ३० क्युसेक नाघेको छ। कोशी ब्यारेजमा खतराको संकेतस्वरूप ‘रातो बत्ती’ बालिएको छ।
बिहीबार साँझ ७:१५ बजे गरिएको मापनअनुसार बहाव ‘स्थिर’ रहे पनि जोखिम उच्च छ। प्रशासनले ब्यारेजको अवस्थालाई ‘खतरा’को सूचीमा राखेको छ।
नदीको चाप नियन्त्रण गर्न ५६ मध्ये २३ ढोका खोलिएका छन्। साँझ ७:३५ बजेदेखि ब्यारेज आसपास वर्षा पुनः सुरु भएको छ।
विज्ञापन
जलाधार र पूर्वी पहाडी भू-भागमा निरन्तर वर्षाले बहाव अझै बढ्न सक्ने अनुमान छ। स्थानीय प्रशासनले सुनसरी र सप्तरीका तटीय बासिन्दालाई उच्च सतर्कता अपनाउन आग्रह गरेको छ।
नदी किनार र होचा भू-भागमा कटान र बाढीको जोखिम छ। सुरक्षित स्थानमा रहन सचेत गराइएको छ।
