सरकारी स्वामित्वको स्मार्ट सेलको सम्पत्ति लिलाम प्रकरणमा नेपाल इन्भेष्टमेन्ट मेगा बैंकका पूर्व प्रमुख कार्यकारी अधिकृत ज्योतिप्रकाश पाण्डेलाई केन्द्रीय अनुसन्धान ब्यूरो (सीआईबी) ले पक्राउ गरेको छ।
सीआईबीले पाण्डेलाई बुधबार बिहान उनको घरबाटै नियन्त्रणमा लिएको हो। उनीमाथि स्मार्ट टेलिकम प्रकरणमा अनुसन्धान भइरहेको छ।
यस प्रकरणमा स्मार्ट टेलिकमका तत्कालीन प्रबन्ध निर्देशक सर्वेश जोशी पनि पक्राउ परिसकेका छन्। जोशीमाथि ठगी तथा आपराधिक विश्वासघात सम्बन्धी कसुरमा अनुसन्धान भइरहेको प्रहरीले जनाएको छ।
