पूर्वी पहाड र तराईका विभिन्न जिल्लामा भएको वर्षाले सप्तकोसी नदीमा पानीको बहाव बढेको छ। कोसी ब्यारेजमा पानीको बहाव एक लाख ७२ हजार ४३२ क्युसेक प्रतिसेकेन्ड पुगेको छ।
सुनसरीका प्रहरी नायब उपरीक्षक चन्द्रबहादुर खड्काले दिएको जानकारी अनुसार, पानीको बहाव बढेसँगै सम्भावित जोखिमलाई मध्यनजर गर्दै ब्यारेजका ५६ ढोकामध्ये २० वटा खोलिएको छ। यसमा ५२ वटा मूल र २ वटा नहरका ढोका रहेका छन्।
पानीको बहाव बढ्दो क्रममा रहेकाले खतराको सङ्केतस्वरुप कोसी ब्यारेजमा रातो बत्ती बालिएको छ। कन्ट्रोल रुमले खतराको सङ्केत जनाउँदै रातो झण्डा फहराएको छ।
