रौतहटको चन्द्रपुर नगरपालिका–४ मा झगडा छुटाउन गएका ३० वर्षीय विष्णु सुवेदीको मृत्यु भएको छ। ३८ वर्षीय विमल मोक्तानले धकेल्दा सुवेदी लडेर टाउकोमा गम्भीर चोट लागेको थियो।
बाराको निजगढ नगरपालिका–६ घर भई हाल चन्द्रपुर–४ मा बस्दै आएका मोक्तान मदिरा सेवन गरी बाटोमा हिँडिरहेका सुवेदीलाई कुटपिट गरी लडाएको प्रहरी नायब उपरीक्षक रुपा लाबुङले जानकारी दिइन्। घाइते सुवेदीको चन्द्रनिगाहपुर अस्पतालमा उपचारका क्रममा मृत्यु भएको हो। प्रहरीले मोक्तानलाई पक्राउ गरेको छ। घटनाबारे थप अनुसन्धान भइरहेको छ।
