काठमाडौंको जडीबुटीमा प्रहरीले गोली चलाएर लुटपाट आरोपमा गणेश कार्कीलाई पक्राउ गरेको छ। शनिबार राति भएको घटनामा कार्कीको खुट्टामा गोली लागेको छ।
सुकेधारामा एक महिलामाथि खुर्सानीको धुलो छर्केर सिक्री लुटपाट भएको थियो। सोही घटनाका आरोपितको खोजी गर्ने क्रममा जडीबुटीस्थित रोयल पार्टी प्यालेस नजिक प्रहरी टोली र कार्कीबीच जम्काभेट भएको थियो। प्रहरीले जवाफी कारबाहीमा गोली चलाएको Nmkhabarलाई स्रोतले पुष्टि गर्यो।
घाइते कार्कीको ट्रमा सेन्टरमा उपचार भइरहेको छ। घटनामा एक प्रहरी कर्मचारी पनि घाइते भएकाले उनको अस्पतालमा उपचार भइरहेको छ। प्रहरीले घटनाबारे थप अनुसन्धान गरिरहेको छ।
