तेह्रथुम बजारमा विश्व सुर्तीजन्य पदार्थविरुद्धको दिवसका अवसरमा सुर्तीजन्य पदार्थको बिक्री वितरण नियन्त्रण गर्न बजार अनुगमन गरिएको छ। प्रमुख जिल्ला अधिकारी वन्दना राई नेतृत्वको टोलीले व्यवसायीहरूसँग अन्तक्र्रिया गरी मापदण्ड र स्वास्थ्य असरबारे जानकारी गराएको छ।
म्याङलुङ नगरपालिकाका स्वास्थ्य सहायक इन्द्रप्रसाद पोखरेलले सुर्तीजन्य पदार्थमा सात हजारभन्दा बढी रसायन, करिब २५० हानिकारक र ७० क्यान्सरजन्य तत्त्व हुने बताए। व्यवसायीहरूलाई १८ वर्षमुनिका तथा गर्भवतीलाई बिक्री नगर्न निर्देशन दिइएको छ। शिक्षण तथा स्वास्थ्य संस्थाबाट १०० मिटरभित्र बिक्रीमा रोक लगाइएको छ।
सार्वजनिकस्थलमा धूमपान निषेध कार्यान्वयन र अन्तःशुल्क भुक्तानीबारे पनि अनुगमन गरिएको थियो। संयुक्त टोलीमा उद्योग वाणिज्य सङ्घ, जिल्ला स्वास्थ्य कार्यालय, तीन सुरक्षा निकाय र पत्रकार महासङ्घका पदाधिकारी सहभागी थिए।
