बीपी राजमार्ग अन्तर्गत काभ्रेको नमोबुद्ध नगरपालिका-२ बुच्चाकोटमा यात्रुबस दुर्घटना हुँदा सात जनाको घटनास्थलमै मृत्यु भएको छ। प्रहरीका अनुसार दुर्घटनामा अन्य १५ जना घाइते भएका छन्।
घाइतेहरूको उद्धार गरी उपचारका लागि अस्पताल पठाइएको काभ्रेका डीएसपी रबिन विष्टले जानकारी दिए। बनेपाबाट सुँगुरे जाँदै गरेको बा ३ ख ८३९८ नम्बरको बस दुर्घटनामा परेको हो।
दुर्घटनाको कारण खुल्न बाँकी छ। प्रहरीले घटनाबारे थप अनुसन्धान गरिरहेको छ।
