रौतहट प्रहरीले २१ फरार प्रतिवादीलाई एकै दिन पक्राउ गर्यो। उनीहरू चेक अनादर, किर्ते नागरिकता, सवारी अंगभंग मुद्दाका दोषी हुन्।
जिल्ला अदालत रौतहटले चेक अनादर, किर्ते नागरिकता, सवारी अंगभंग लगायत मुद्दामा उनीहरूलाई दोषी ठहर गरेको थियो। दण्ड जरिवाना तोकिएपछि २१ जना लामो समयदेखि लुकिछिपी बसेका थिए। शुक्रवार प्रहरीले जिल्लाका विभिन्न स्थानबाट उनीहरूलाई पक्राउ गर्यो।
प्रहरी प्रवक्ता डिएसपी वसन्त गौतमले चेक अनादर मुद्दामा पक्राउ परेकाहरूको नाम सार्वजनिक गरे। देवेन्द्र राजत बरै, राजकिशोर साह, सुशील पटेल, रामनाथ सहनी, रोकेश पटेल, दिपेन्द्र प्रसाद पटेल, रामबाबु प्रसाद पटेल र शिवनाथ प्रसाद जयसवाल यसमा सामेल छन्।
चेक अनादर मुद्दामा धर्मेन्द्र कुमार दास, कमेश्वर प्रसाद महतो, अमामुलदिन, बिजेश पटेल, मनोज कुमार राजत, पुनित प्रसाद यादव, जयराम मुखिया, विन्देश्वर प्रसाद पटेल र कृष्ण लामा पनि पक्राउ परे। नागरिकता र किर्ते मुद्दामा रुपेश राय, प्रमुनन्दन प्रसाद यादव, रंजिता कुमारी यादव फन्दामा परेका छन्। सवारी अंगभंग मुद्दामा प्रमोद कुमार चौधरीलाई प्रहरीले पक्राउ गर्यो।
कैद भुक्तान र फैसला कार्यान्वयनका लागि शुक्रवार २१ प्रतिवादीलाई जिल्ला अदालत गौरमा उपस्थित गराइयो। जिल्ला प्रहरी कार्यालय रौतहटले यो जानकारी दिएको छ।
