सप्तरी प्रहरीले १० दिनअघि राजविराजबाट अपहरणमा परेका ८ वर्षीय बालक मो. परवेजको सकुशल उद्धार गरेको छ। प्रहरीले अपहरणमा संलग्न एक महिलासहित दुई जनालाई पक्राउ गरेको छ।
मो. कलिमका ८ वर्षीय छोरा परवेजलाई १० दिनअघि राजविराजको नेता चोकबाट अपहरण गरिएको थियो। अपरिचित व्यक्तिले उनलाई फकाएर अपहरण गरेका थिए। स्थानीय युवा र नेपाल प्रहरीको सक्रियतामा बालकको सकुशल उद्धार गरिएको हो।
पक्राउ परेका व्यक्तिको परिचय भने हाल सार्वजनिक गरिएको छैन।
जिल्ला प्रहरी कार्यालयका डीएसपी एवं प्रहरी प्रवक्ता हेमराज घिमिरेले घटनाको थप अनुसन्धान भइरहेको जानकारी दिएका छन्।
