दमक नगरपालिका–१ हवल्दार चोकस्थित टपरी होटलबाट प्रहरीले २२ ग्राम १५० मिलिग्राम खैरो हेरोइनसहित इलामका पूर्णकुमार राईलाई पक्राउ गरेको छ।
जिल्ला प्रहरी कार्यालय झापाका अनुसार राई होटलभित्र लागुऔषधको कारोबारमा संलग्न रहेको सूचना पाएपछि प्रहरी खटिएको थियो।
लागुऔषध नियन्त्रण ब्युरो काँकडभिट्टा र इलाका प्रहरी कार्यालय दमकको संयुक्त टोलीले राईको खानतलासी गर्दा हेरोइनजस्तो देखिने पदार्थ फेला पारेको थियो।
विज्ञापन
प्रहरीले बरामद गरेको लागुऔषधसहित मे १० प ३९७० नम्बरको मोटरसाइकल र अन्य सामग्रीसमेत नियन्त्रणमा लिएको छ।
राईमाथि लागुऔषध कसुरमा थप अनुसन्धान भइरहेको प्रहरी नायब उपरीक्षक रञ्जन अवाले जानकारी दिए।
