सिरहाको लहान नगरपालिका-२२ सलोखरीबाट प्रहरीले ९ एमएम पेस्तोल र म्यागेजिनसहित ३ युवालाई पक्राउ गरेको छ।
जिल्ला प्रहरी कार्यालय सिरहाका अनुसार प्रहरी चौकी सितापुरको टोलीले नियमित जाँचका क्रममा उनीहरूलाई पक्राउ गरेको हो।
प्रहरीका अनुसार २० वर्षीय सबरजित दासको पाइन्टको गोजीबाट पेस्तोल बरामद भएको थियो।
घटनास्थलमा दाससँगै रहेका २० वर्षीय गुरुदेव दास र १९ वर्षीय संजय दासलाई पनि प्रहरीले पक्राउ गरेको छ।
पक्राउ परेका सबैलाई इलाका प्रहरी कार्यालय लहान सिरहामा राखी थप अनुसन्धान भइरहेको छ।
