रसुवाको भोटेकोशी नदीमा भदौ १० गते आएको बाढीले सम्पर्कविहीन भएकामध्ये आइतबार साँझसम्म २,७४२ जनाको उद्धार गरिएको छ।
प्रहरीका अनुसार उद्धार गरिएकामध्ये रसुवाबाट ७१९, नुवाकोटबाट २,०२० र धादिङबाट ३ जना छन्।
नेपाल प्रहरीका प्रवक्ता अविनारायण काफ्लेले घाइते र उद्धार गरिएका केहीलाई उपचारका लागि काठमाडौं ल्याइएको बताए।
काठमाडौंको विभिन्न अस्पतालमा उपचाररत वा डिस्चार्ज भएका गरी हालसम्म १६० जनाको विवरण छ।
