विश्वकै ठूलो क्रिप्टो एक्सचेन्ज बिनान्सबाट ५.६ अर्ब डलरभन्दा बढी मूल्यको क्रिप्टोकरेन्सी चोरी भएको छ, जुन क्रिप्टो इतिहासकै सबैभन्दा ठूलो ह्याक हो।
बिहीबार साँझ भएको यस ह्याकमा विभिन्न प्रकारका क्रिप्टोकरेन्सीहरू चोरी भएका छन्। चोरी भएका क्रिप्टोकरेन्सीहरूमा १.४५ अर्ब डलर बराबरको बिटक्वाइन (BTC), ८७५ मिलियन डलर बराबरको इथेरियम (ETH), २३४ मिलियन डलर बराबरको ट्रोन (TRX) र ५० मिलियन डलर बराबरको XAUT समावेश छन्।
यसैगरी, १.५७ अर्ब डलर बराबरको टिथर (USDT), ८२३ मिलियन डलर बराबरको USDC, ७५ मिलियन डलर बराबरको WBETH र ८८.५ मिलियन डलर बराबरको RLUSD पनि चोरी भएको छ। यसका अतिरिक्त ४४७.५ मिलियन डलर बराबरका अन्य क्रिप्टोकरेन्सीहरू पनि ह्याक भएका छन्।
ह्याकको पूर्ण विवरण र संलग्न व्यक्तिहरूको पहिचान अझै खुलेको छैन। बिनान्सले यस विषयमा आधिकारिक प्रतिक्रिया सार्वजनिक गरेको छैन।
