काठमाडौं आज विश्वकै सबैभन्दा प्रदूषित शहर बनेको छ।
स्विजरल्यान्डस्थित आइक्यु एयरको पछिल्लो प्रतिवेदनअनुसार काठमाडौंको वायु प्रदूषणको स्तर (AQI) २२३ पुगेको छ। यो स्तर जनस्वास्थ्यका लागि ‘अति अस्वस्थकर’ मानिन्छ।
- काठमाडौंको वायु गुणस्तर सूचकांक (AQI) २२३ पुगेको छ।
- यो स्तर ‘अति अस्वस्थकर’ श्रेणीमा पर्छ।
- दोस्रो स्थानमा भारतको नयाँ दिल्ली (AQI १६२) र तेस्रोमा पाकिस्तानको लाहोर छन्।
- आईक्यूएयरले विश्वका प्रमुख १०० शहरको सूचीमा काठमाडौंलाई शीर्ष स्थानमा राखेको छ।
वायु प्रदूषणको यो स्तरले बालबालिका, वृद्धवृद्धा, दीर्घरोगी र सर्वसाधारण सबैको स्वास्थ्यमा गम्भीर असर पार्ने विज्ञहरूले बताएका छन्। एक्यूआई १०१ देखि १५० सम्म बालबालिका, वृद्धवृद्धा र दीर्घरोगीका लागि ‘अस्वस्थकर’ हुन्छ भने १५१ देखि २०० सम्म पुग्दा सबैका लागि अस्वस्थकर मानिन्छ। २०० भन्दा माथि पुग्नुलाई ‘अति अस्वस्थकर’ भनिएको छ।
हालैका दिनमा काठमाडौं उपत्यकाको वायुको गुणस्तर निरन्तर खस्किँदै गएको छ। जाडो याममा विशेषगरी प्रदूषण बढ्ने गरेको छ। यसको मुख्य कारण सवारी साधनको धुँवा, औद्योगिक उत्सर्जन, सडक तथा निर्माण कार्यबाट उड्ने धुलो र भौगोलिक अवस्थिति हो।
अधिकारीहरूको प्रतिक्रिया अझै आएको छैन।
यस विषयमा थप विवरण आउने क्रममा छ।
