मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

सरकारी साक्षीमाथि भ्रष्टाचार मुद्दा: ५० लाखको चेक सटहीमा सहयोगको आरोप

• अख्तियारले घुस प्रकरणमा सरकारी साक्षी बनेकी महिलाविरुद्ध भ्रष्टाचार मुद्दा दायर गरेको छ। • उनीमाथि ५० लाख रुपैयाँको चेक सटहीमा सहयोग गरेको आरोप छ। • विशेष अदालतमा मुद्दा दर्ता भएसँगै सरकारी साक्षीको विश्वसनीयतामाथि प्रश्न उठेको छ।
Nmkhabar डेस्क
१ मिनेट पढाइ
आकार:
सरकारी साक्षी भ्रष्टाचार मुद्दा
Share:
२१२

घुस प्रकरणमा सरकारी साक्षी बनेकी एक महिलाविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेको छ। बारपाक सुलिकोट गाउँपालिका–७ घर भई हाल काठमाडौंको चन्द्रागिरि–५ बस्ने सुमित्रा कुमारी घिमिरे पुडासैनीलाई विशेष अदालत काठमाडौंमा प्रतिवादी बनाइएको हो।

यसअघि चन्द्रबहादुर अधिकारीसमेत प्रतिवादी रहेको घुस/रिसवतसम्बन्धी मुद्दामा अनुसन्धानका क्रममा सहयोग गरेको भन्दै पुडासैनीलाई भ्रष्टाचार निवारण ऐन, २०५९ को दफा ५५ बमोजिम सजायमा पूर्ण छुट दिई सरकारी साक्षीका रूपमा प्रस्तुत गरिएको थियो।

तर, वैशाख ९ गते विशेष अदालतमा दिएको बकपत्र आयोगसमक्ष अनुसन्धानका क्रममा दिएको बयान र मागदाबीविपरीत पाइएपछि अख्तियारले थप अनुसन्धान गरेको थियो।

विज्ञापन

अनुसन्धानबाट चन्द्रबहादुर अधिकारीले लिएको घुस रकमको ५० लाख रूपैयाँ बराबरको चेक ‘सुमित्रा कस्मेटिक एण्ड फेन्सी’का नाममा काटिएको र उक्त फर्मकी सञ्चालक पुडासैनीलाई उपलब्ध गराइएको खुलेको छ।

आयोगका अनुसार पुडासैनीले रकम सटहीका लागि बैंकमा लगेको तर चेक सटही नभएपछि फिर्ता गरेको पाइएको छ। आयोगले यसलाई घुस/रिसवत लिने कार्यमा सहयोग पुर्‍याएको कसुर मानेको छ।

उक्त कार्यबाट उनले भ्रष्टाचार निवारण ऐन, २०५९ को दफा ३ उपदफा (२) बमोजिमको कसुर गरेको पुष्टि भएको आयोगको निष्कर्ष छ। आयोगले उनीविरुद्ध ५० लाख रूपैयाँ बिगो कायम गर्दै सोही ऐनबमोजिम कैद र बिगोअनुसार जरिवानाको मागदाबी गर्दै आरोपपत्र दायर गरेको प्रवक्ता सुरेश न्यौपानेले जानकारी दिएका छन्।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार