भ्रष्टाचारसम्बन्धी एक मुद्दामा प्रतिकूल बयान दिएको अभियोगमा अख्तियार दुरुपयोग अनुसन्धान आयोगले नवलपरासीका ईश्वरीप्रसाद गौतमविरुद्ध विशेष अदालतमा मुद्दा दायर गरेको छ।
चन्द्रबहादुर अधिकारीविरुद्ध ५० लाख घुस लिएको अभियोगमा विशेष अदालतमा सुनुवाइ भइरहेको मुद्दामा गौतम साक्षी बसेका थिए। उनीमाथि सोही मुद्दामा गलत बयान दिएको आयोगको दाबी छ।
आयोगका प्रवक्ता सुरेश न्यौपानेका अनुसार, गौतमविरुद्ध कसुर बमोजिम कारबाहीको माग गर्दै मुद्दा दर्ता गरिएको हो। उनीविरुद्ध ५० लाख बिगोसमेत तोकिएको छ।
