मधेश प्रदेश सरकारले पूर्णता पाएको छ। मुख्यमन्त्री कृष्ण प्रसाद यादवले सत्ता साझेदार दल नेपाली कांग्रेस, नेकपा एमाले र नेकपाबीच १५ बुँदे सहमतिपछि मंगलबार मन्त्रिमण्डल विस्तार गरेका हुन्। नवनियुक्त मन्त्रीहरूले पद तथा गोपनीयताको शपथ लिएका छन्।
गत वैशाख २२ गते जनमत पार्टीले समर्थन फिर्ता लिएपछि सरकार अल्पमतमा परेको थियो। कांग्रेसबाट रौतहटका नागेन्द्र प्रसाद साह स्वास्थ्य तथा जनसंख्या मन्त्रालयको जिम्मेवारीमा नियुक्त भएका छन्।
एमालेबाट महम्मद समीर भौतिक पूर्वाधार विकास मन्त्रालय, शारदादेवी थापा श्रम तथा यातायात मन्त्रालय, लखन दास युवा तथा समाज कल्याण मन्त्रालय र मनोज सिंह शिक्षा तथा संस्कृति मन्त्रालयको जिम्मेवारीमा नियुक्त भएका छन्। नेकपा मधेश प्रदेश संसदीय दलका नेता युवराज भट्टराईलाई अर्थ मन्त्रालयको जिम्मेवारी दिइएको छ।
