डोटीको बडीकेदार गाउँपालिकामा एक्स्काभेटर भाडा ठेक्कामा करिब ४६ लाख ९५ हजार रुपैयाँ हिनामिना भएको आरोपमा तत्कालीन अध्यक्ष, उपाध्यक्ष, कर्मचारी तथा ठेकेदारसहित ८ जनाविरुद्ध विशेष अदालत, काठमाडौँमा आरोपपत्र दायर भएको छ।
अख्तियार दुरुपयोग अनुसन्धान आयोगका अनुसार आ.व. २०७७/७८ को ठेक्का नं. ०२र०७७/०७८ मा कार्यपालिका बैठकबाट न्यूनतम भाडा दरभन्दा कममा मासिक ४ लाख ५० हजार रुपैयाँमा एक्स्काभेटर भाडामा लिने भनी सम्झौता भएको थियो।
उक्त सम्झौता कार्यान्वयन नगरी वा वास्तविक प्रयोग नगरी हिनामिना गरेको पाइएको छ। आयोगले तत्कालीन अध्यक्ष, उपाध्यक्ष, प्रमुख प्रशासकीय अधिकृत, इन्जिनियर, योजना अधिकृत र ठेकेदार विरुद्ध भ्रष्टाचार निवारण ऐन, २०५९ को दफा ३ को देहाय ९ख० बमोजिम सजाय मागदाबी गरेको छ।
