मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

सुनसरीका पाँच बजार क्षेत्रमा अनिश्चितकालीन कर्फ्यु, गोली प्रहारपछि एकको मृत्यु

सुनसरीको देवानगञ्ज गाउँपालिका–३ कप्तानगन्जमा प्रहरीले चलाएको गोली लागेर २४ वर्षीय ओमप्रकाश मेहताको मृत्यु भएको छ। घटनामा १६ जना घाइते भएका छन्। यसपछि जिल्ला प्रशासन कार्यालयले पाँच बजार क्षेत्रमा अनिश्चितकालीन कर्फ्यु आदेश जारी गरेको छ।
Nmkhabar डेस्क
१ मिनेट पढाइ
आकार:
सुनसरी कर्फ्यु
Share:
२०६

सुनसरीको देवानगञ्ज गाउँपालिका–३ कप्तानगन्जमा प्रहरीले चलाएको गोली लागेर २४ वर्षीय ओमप्रकाश मेहताको मृत्यु भएको छ। घटनामा प्रदर्शनकारी र प्रहरीतर्फ १६ जना घाइते भएका छन्। प्रमुख जिल्ला अधिकारी बासुदेव घिमिरेले सोमबार बिहान ७ बजेदेखि अर्को सूचना जारी नभएसम्मका लागि कर्फ्यु लागू गरेका हुन्। राति १२:३० बजे जारी आदेशले तोकिएको सिमानाभित्र आवतजावत, भेला, जुलुस, प्रदर्शन, सभा, बैठक र घेराउमा पूर्ण रोक लगाएको छ।

स्थानीय प्रशासन ऐन, २०२८ को दफा ६ (क) बमोजिम यो कदम चालिएको हो। कानुन हातमा लिनेलाई एक हजार रुपैयाँसम्म जरिवाना र एक महिनासम्म कैद सजाय हुन सक्ने चेतावनी दिइएको छ।

प्रशासनले जिल्लाका पाँच इलाकामा चारकिल्ला तोकेर कर्फ्यु लगाएको छ। इलाका ‘क’ हरिनगरा बजार क्षेत्र (नुनिया टोल, पश्चिम खुनिया धार, हरिनगर गाउँपालिका कार्यालय, वसन्तपुर मोड), इलाका ‘ख’ भुटाहा बजार क्षेत्र (मोरीया धार खोला, इदगाहा फिल्ड, सुनसरी खोला, हरिनगर गाउँपालिका कार्यालय), इलाका ‘ग’ कसनागंज बजार क्षेत्र (यादव टोल, पाँचौ सिमल मावि, कृष्ण मावि, नेपाल-भारत सीमा क्षेत्र), इलाका ‘घ’ घुस्की बजार क्षेत्र (कासमिया मदरसा, प्रहरी चौकी घुस्की, इशा हार्डवेयर, हिलाल पब्लिक स्कुल) र इलाका ‘ङ’ देवानगंज बजार क्षेत्र (विराटनगर जाने बाटोको मुसहर टोल, मोरीया खोला, चिउरा मिल, गाउँपालिका कार्यालय) मा कर्फ्यु लागू छ।

विज्ञापन

आइतबार राति साउने सोमबारको बोलबम यात्राका लागि डिजे बजाउँदै हिँडिरहेको युवा समूह र होहल्लाको आपत्ति जनाउने अर्को समूहबीच सामान्य भनाभन सुरु भएको थियो। विवाद उग्र भई आक्रमण, आगजनी र तोडफोड भएपछि स्थिति नियन्त्रणमा लिन प्रहरीले गोली चलाएको थियो।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार