सिरहाको गोलबजारमा दुई समूहबीच झडप हुँदा करिब २० वर्षीय गणेश यादवको मृत्यु भएको छ। सहायक प्रमुख जिल्ला अधिकारी चेतराज बरालले घटनाको पुष्टि गरेका छन्।
बिहीबार मध्याह्न गोलबजारमा भएको झडपमा परेर यादवको ज्यान गएको हो। सोही घटनामा अर्का एक जना घाइते भएका छन्। स्थिति अशान्त बनेपछि गोलबजार क्षेत्रमा कर्फ्यु आदेश जारी गरिएको छ।
प्रदर्शनकारीले ग्यारेजबाट ११ वटा मोटरसाइकल निकालेर आगजनी गरेका छन्। घटनाको थप विवरण आउन बाँकी छ।
