राष्ट्रिय स्वतन्त्र पार्टी (रास्वपा) को सचिवालय बैठक आज बिहान १० बजे पार्टी केन्द्रीय कार्यालय, घन्टीघर, वनस्थली, काठमाडौंमा बस्दैछ। पार्टी सभापति रवि लामिछानेको आह्वानमा बस्ने बैठकमा पार्टीका समसामयिक विषय, संगठनात्मक गतिविधि तथा आगामी कार्यदिशालगायत विषयमा छलफल हुनेछ।
पार्टी प्रवक्ता जगदीश खरेलका अनुसार बैठकमा रसुवामा आएको बाढी, त्यसको उद्धार र राहतका विषयमा विस्तृत छलफल हुनेछ। रास्वपाले रसुवा बाढीको सन्दर्भमा ठोस निर्णय लिने तयारी गरेको छ।
खरेलले बैठकमा मुलुकको पछिल्लो राजनीतिक परिस्थिति र पार्टीको आन्तरिक साङ्गठनिक सुदृढीकरणका विषयमा पनि छलफल हुने जानकारी दिए। आगामी कार्ययोजनाका विषयमा पनि बैठकमा विस्तृत छलफल हुने तय भएको छ।
